مسرحية هزلية ( ساخرة )

المشهد الاول

ابو قردان : اهلا لي لي ............ اهلا بيكى فى بلدك الثانى مصر
لي لي : احنا زهئنا من اللى اسمهم بتنجان وعايزين نضربهم
ابو قردان : ايه اللى انتى بتقوليه ده انتوا مش اد البتنجان . قصدك انهى بتنجان ف ولا ح
لي لي : لا ح طبعا ........ احنا خلاص قررنا نضربهم بعد يومين والجيش مستعد بس احنا عازين مساعدتكم
ابو قردان : اوؤمرى عايزين ايه واحنا نعمله
لى لى : احنا هنضرب البتنجان من الجو بالطيران ومش عايزين بتوع بتنجان او الشعب القسطنطينى يدخلوا عندكوا ............ يعنى عايزنكوا تقفلوا البوابة عشان نقضى عليهم
الو قردان : خلاص أقول للريس عمر حرب

يدخل عليه ابو قردان

ابو قردان : ازيك ياريس
الريس عمر : فى ايه عالصبح يافتاح ياعليم يارزاق ياكريم
ابو قردان : عندى ليك خبر بمليون جنيه
الريس عمر: مش عايز الخبر هات المليون جنيه
ابو قردان : انا كنت قاعد من شوية عالبيسين مع لى لى وقالتلى انهم هيضربوا قسطنطين بكرة ومش عايزنا نفتح البوابة .
الريس عمر : خلاص قولهم احنا مش هنفتحه .... ولو الناس عارضت نبقى نتول ان المفاصل زرنخت وعايزة تتزيت
ابو قردان : يارايق انت ....... يا دماغك الجامدة انت مصطبح ولا ايه ؟؟؟؟؟؟؟؟؟ تسلم لنا دماغك

المشهد الثانى

مستشار الريس عمر يدخل على الريس عمر وهو منزعج وكان الريس عمر بياكل وبيقول

.والله البسطرمة دى جامدة بس لو كان عليها كاتشب كانت هتبقى جنان

المستشار : الحق ياريس مصيبة

الريس عمر : فى ايه عالصبح البسطرمة شافت وشك اتحرقت
الحق ياريس الاستاتيكيين بتضرب قسطنطين عشان تقضى على البتنجان
الريس عمر ( عامل عبيط ) : لاياراجل امتى دة
المستشار :- دة لسة من شوية الكلاب بيضربوا قسطنطين بالطيران ........... انت مش هتعمل حاجة
الريس عمر : اعمل ايه مش شايفنى باكل سيب الاكل يعنى .... دى المدام عاملة لى بسطرمة البيض هتاكل صوابعك وراها
المستشار : بسطرمة ايه بس ياريس .... انت مش ناوى تكلم حد يوقف المجزرة دى او تفتح البوابة دى القنوات برة فاضحاك وبتقول عليك خاين وانك كنت عارف
الريس عمر : ايه خاين إإإإإإ طب الحق اكتبلى بيان عشان الحق نفسى ............... يالهوى عرفوا ازاى دول
الريس عمر دخل عالمدام وهو مخضوض
المدام : ياخراشي ...... انت وشك احمر ليه مالك هما حطولك سم فى البسطرمة ولا ايه
الريس عمر: لا دول عرفوا انى طبختها معاهم
المدام : هو انت بتعرف تطبخ دانتا مابتعرفش تعمل لنفسك كباية شاى
الريس عمر: لا مش كدة ... انا قصدى عرفوا انى طبخت الحكاية مع استاتيك كدة سمعتى هتروح فى البطيخ ................ انا هقولهم يفتحوا البوابة للمصابين يمكن يسكتوا .......... قال خاين قال

الريس عمر يتصل بلى لى

الريس عمر شوفتى ياقمر قناة الجرجير فاضحانى وبتقول انى خاين
لي لي : يالهوى .......... اسم الله عليك ... خاين دة ايه .......... ماتخفش احنا عندنا مذكرة هندهالك وتقول انك انت اللى عاملها ................. عشان برستيجك مايضعش ........ بس اوعى تفتح البوابة
الريس عمر : افتح البوابة دة ايه ...... هى كانت بوابة بيتنا ؟؟؟؟؟؟؟؟ انا بفكر احط لزق امير عشان اللى ينط من السور يلزق ومايعرفش يخش وانتوا تبقوا تتصرفوا معاه
لي لي : قشطة .......... واحناهنزيطلك ونقول ان انت الوحيد سبب وقف الخناقة بينا وبين البتنجان
الريس عمر : فل عليه .......... سلام يامزة
لى لى : سلام ياكوتوموتو


تاليف : cambos اخراج : dr mohamed

[center]مسرحية جامدة موت ....................... يس في ماوحوظة ممكن تكتب توضيخ اكتر .

gamda moooooooooooooooot begad me3dya bas 5ayf men 2eh 2s7abak wrak dos ya m3lem we isa kolena 7aneb2a fe kostanten